قراءة اشعة الصدر

#اشعة_الصدر 

١- اكو ثلاث انواع AP و PA و Lateral و ال PA هو احسن من AP لان يطلع حجم القلب بالضبط و مايطلعلك ال scapula بينما ال AP يكبر القلب ويطلع ال scapula .

٢- نطبق قاعدة #ABCDEF وهاي القاعدة هسة افصله الكم ....

#A air way : 

• نلاحظ المجاري التنفسية للمريض احتمال اكو شي غريب او المريض بالع حاجة او عندة ورم و ساد المجرى التنفسي ولا تنسة باوع الغدة الدرقية thyroid اخاف مضخمة وسادة المجرى الهوائي و شوف ال trachea اخاف منحرفة .

#B bone :

حبيبي عندك اربع عظام  هي الفقرات vertebrate والاضلاع ribes والترقوة clavicle والكتف scapula خاف بيه اي كسر اوشي مو طبيعي

#C cardiac silluet and hilum and mediastinum : 

• شوف القلب اخاف كبران لان القطر مالتة لازم ميصير اكبر من نصف قطر الصدر 

• اخاف القلب صاير مثل التفاحة مو تضحك لان هاي معناهة اكو ماء حول القلب pericardium effusion .

• اذا القلب صاير باليمنى هذا dextracardia .

• اذا شفت سواد بنصة هذا hiatus hernia .

• عندك عظم القص sternum لازم عرضة 8 سم ويكون وسط الصدر اخاف اعرض فأكو mass واذا مو بالوسط فهذا منحرف . 

• اذا دخل بال mediastenium هواء راح نشوف شريط اسود يمة شريط ابيض حول القص .

• اذا منحرف بأتجاه المرض معنى ذلك الرئة collapse و صايرة fibrosis و الرئة ما تتمدد .

• اذا انحرف عكس المرض يعني الرئة مثقوبة او بيه fluid او mass وراح تبين بيضاء بالاشعة .

#D diaphragm and gastric bubble : 

الحجاب الحاجز يصير اليمنة اعلى من اليسرى دائما لان جوا الكبد مو عبالك هذا خلل ومرض ... ويكون شكلة مثل القبة dome shape.

 وراح تشوف الفقاعات الهوائية جوة الحجاب الحاجز من جهة اليسار فاذا شفته باليسرى معناهة الاحشاء معكوسة situs invertus.

#E effusion : 

 اكو ثلاث انواع 

• الماء ثابت بمكانة يسمو loculated هذا يصير بالرئة اليمنى بالنص oblique fissure .

• الماء متحرك يسمو free flow يسوي علامة مثل حذاء الفرس اسمه منسكص ساين .

• الماء ياخذ شكل diaphragm بحيث يبين الحجاب عبالك صاعد ويسموهة subpulmonaric .

#F failed of lungs : 

• الاضلاع التي تشغله الرئة من ورة PA هي 9 اضلاع بينما من كدام AP تشغل 6 اضلاع .فاذا صارن اكثر معناهة الرئة متروسة هواء ...

• الرئة لازم تصير سوداء اخاف اكو جسم غريب مثل طلقة يطلع ابيض .

• اذا شفت الرئة سوداء طوخ معناهة بيه collapse او مايوصله دم .

• اذا شفته كلش سوداء وبشكل دائري معناهة بيه كيس كلة هواء اسمة BULLA .

• اذا شفت بيه دوائر معناهة mass او nodules .

• اذا شفته بيضاء مثل حذاء الفرس minscus sing معناهة اكو ماء او دم plural effusion .

#Amjad_Adnan